ગીત

વીણી વીણીને હું તો લાવ્યો છું થોડો સપનાનો ભારો,

વ્હેંચીને આખોમાં આંજ્શું લે થોડો તારો થોડો મારો.

અધખુલ્લા બારણે આવી ઊભો

સૂનકારો મૂંગો બધીર,

ઊંબરની ઓશિયાળી આંખમાં

ઉમટ્યા રે ધાર ધાર નીર,

મોઢું ભીંચીને મેં પાડેલી ચીસોનો ઉમટ્યો રે દેકારો.

વ્હેંચીને આખોમાં આંજ્શું લે થોડો તારો થોડો મારો.

ભીંતે કૂટાયા ને ભોંયે પછડાયા

લીલેરી યાદોના ૫ડઘાં,

સાચવીને મૂક્યાતાં આઘેરા ઊંડા કે

કોણ જાણે કેમ થયાં અડધાં,

કીધે કહેવાય નહીં, હૈયે સહેવાય નહીં કેમ કરી આપું જાકારો?

વ્હેંચીને આખોમાં આંજ્શું લે થોડો તારો થોડો મારો.